როგორც საოკუპაციო რეჟიმის მედია იტყობინება, აფეთქებას ერთი ადამიანის სიცოცხლე ემსხვერპლა. დაღუპულია ადგილობრივი მაცხოვრებელი 57 წლის ბესლან ლატარია. აფეთქების ადგილზე აღმოჩენილი იქნა ადამიანის სხეულის ნაწილები და წერილი, სადაც დაღუპული ახლობლებს თხოვდა რომ ის არ მოეძებნათ.ადგილი სადაც აფეთქება მოხდა, სარკინიგზო ლიანდაგიდან 70 მეტრში მდებარეობს.
ბესლან ლატარია 1992-93 წლების აფხაზეთის ომში მონაწილეობდა.
აღნიშნულ ფაქტზე საოკუპაციო რეჟიმის სამართალდამცავებმა გამოძიება დაიწყეს. დანიშნულია სასამართლო-სამედიცინო და ტექნიკური ექსპერტიზები.
