ვეტერანების სამსახურის ინიციატივით, თსუ-ში ფოტოგამოფენა „სამშობლოსათვის“ გაიმართება

27-03-2018

ვეტერანების საქმეთა სახელმწიფო სამსახურის ინიციატივითა და ორგანიზებით, 29 მარტს  ივანე ჯავახიშვილის სახელობის თბილისის სახელმწიფო უნივერსიტეტის 1-ელ კორპუსში გაიხსნება ფოტოგამოფენა- „სამშობლოსათვის“.

გამოფენა ეძღვნება საქართველოს ტერიტორიული მთლიანობისთვის ბრძოლებისა და საერთაშორისო სამშვიდობო მისიების მონაწილე მეომრების წარმოჩენასა და დაფასებას, საზოგადოებაში პატრიოტული სულისკვეთების გაღვივებას, უახლოესი წარსულის გაცნობას. აგრეთვე, იმ ადამიანების პოპულარიზაციას, რომლებმაც სიცოცხლის რისკის ფასად შემოგვინახეს ეს ისტორიული კადრები.

ღონისძიებაში მონაწილეობას მიიღებენ ქ. თბილისის ვ.გზირიშვილის სახელობის 173-ე და გ.კიკნაძის სახელობის 182-ე საჯარო სკოლების მოსწავლეები, სამხედრო მოსამსახურეები, სტუდენტები და ვეტერანები.

გამოფენა 12 საათზე დაიწყება.