ჭიათურის ოთხი სოფლის მოსახლეობამ აქცია გამართა

2-04-2018

ჭიათურის რაიონის სოფლების - შუქრუთის, ითხვისის, ავარიონისა და საფარის მოსახლეობამ დღეს „ჯორჯიან მანგანეზის“ წინააღმდეგ საპროტესტო აქცია გამართა. ადგილობრივი მოსახლეობა აცხადებს, რომ „ჯორჯიან მანგანეზის“ კუთვნილმა მძიმეწონიანმა ავტოტექნიკამ გზა გაანადგურა. 
„ჩვენ არაერთხელ მივიღეთ დაპირება, როგორც საწარმოს ხელმძღვანელებისგან ასევე რაიონის ხელმძღვანელებისგან, თუმცა ამ დრომდე გზა არ გაკეთებულა. წვიმის დროს ისე ტალახდება, მსუბუქ ავტომანქანებს გადაადგილება უჭირთ“, - განაცხადა აქციის მონაწილემ ვალერი სამხარაძემ. 

"ინტერპრესნიუსი"