გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

კასპში ბინათმესაკუთრეთა ამხანაგობების ხელშეწყობის პროგრამა მიმდინარეობს

29-06-2021



კასპის მუნიციპალიტეტის მერმა ვახტანგ მაისურაძემ სადგურ მეტეხის დასახლებაში, მესამე ქუჩის #4 -ში მდებარე მრავალბინიანი საცხოვრებელი სახლის სახურავის მოწყობის დასრულებული სამუშაო ადგილზე მოინახულა.

მოსახლეობამ სახურავის სრული რეაბილიტაცია, მერიის ბინათმესაკუთრეთა ამხანაგობების აღრიცხვისა და ბინათმესაკუთრეთა ამხანაგობების ხელშეწყობის პროგრამით განახორციელა.
სამუშაო ინდმეწარმე „ნინო ჯუხარიძემ“ შეასრულა.

სამუშაოზე 27 776 ლარი დაიხარჯა, რომლის 95% მერიამ ადგილობრივი ბიუჯეტიდან დააფინანსა ხოლო 5% ბინის მესაკუთრეებმა.

კასპის მერიის პრესსამსახურის ინფორმაციით, მოსახლეობამ ვახტანგ მაისურაძეს მადლობა გადაუხადა პრობლემის მოგვარებაში დახმარებისათვის, ვინაიდან ნალექიანი ამინდის დროს მოსახლეობას სახურავიდან ჩამონადენი წყალი ზიანს აყენებდა.

5 წელია კასპის მუნიციპალიტეტის მერია ბინათმესაკუთრეთა ამხანაგობების ინფრასტრუქტურულ საჭიროებებზე 12 სახის რეაბილიტაციას ახორციელებს: შიდა სასმელი წყლის და საკანალიზაციო სისტემის  გაყვანილობის შეკეთება, სადარბაზოს შესასვლელში პანდუსის მონტაჟი,  სადარბაზოს კარების დამზადება და  მონტაჟი,  შენობის ფასადის შეკეთება,  მრავალბინიანი შენობის ან/და მისი შემადგენელი ელემენტების კაპიტალური გამაგრება, შენობის სახურავის შეკეთება და სხვა.

გასულ წელს მუნიციპალიტეტის ადგილობრივმა ბიუჯეტმა მსგავსი პროექტები 71 884 ლარით დააფინანსა..