სოფელ მთისძირში გამგებლის წარმომადგენლის, ბორის დარიაშვილის ინფორმაციით, კობა პაპაშვილი პოლონურ კომპანიაში მუშაობდა, რომელსაც ტვირთი საფრანგეთიდან გადაჰქონდა. მამაკაცი, რომელიც განზრახ მკვლელობაშია ბრალდებული მასთან ერთად მუშაობდა.

„კობა ძალიან წესიერი ბიჭი იყო. მამასთან ერთად ევროპაში მუშაობდა და ყოველ სამ თვეში უკან ბრუნდებოდა. ამჟამად მამამისი აქ არის. 27 ნოემბერს უნდა დაბრუნებულიყო უკან და გუშინ ასეთი ამბავი შეატყობინეს. გარდაცვლილს ორი მცირეწლოვანი შვილი დარჩა“, - განაცხადა ბორის დარიაშვილმა.

კობა პაპაშვილის გადმოსვენებაში ოჯახს საქართველოს საგარეო საქმეა სამინისტრო ეხმარება.

წყარო: reginfo.ge