სამართლიანად ჩატარდა თუ არა არჩევნები
ილია მეორე: დიდია ჩვენი გულისტკივილი ტყიბულის შახტაში ახლახან მომხდარი ტრაგედიის გამო
6-04-2018
სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ტყიბულში ტრაგედიასთან დაკავშირებით სამძიმრის წერილს ავრცელებს.
„დიდია ჩვენი გულისტკივილი ტყიბულის შახტაში ახლახან მომხდარი ტრაგედიის გამო, რომელმაც ექვსი ადამიანის სიცოცხლე შეიწირა. მართალია, უფლის ნების გარეშე არაფერი ხდება, მაგრამ ალბათ მეტი ზრუნვა გვმართებს ადამიანის სიცოცხლის დასაცავად.
აღვავლენთ ლოცვებს გარდაცვლილთა სულების საოხად, რათა უფალმან სავანესა მართალთასა დაუმკვიდროს პავლეს, გიორგის, ელგუჯას, გოგი-გიორგის, მირზასა და ბესარიონის უკვდავი სული. ხოლო მათი ოჯახის წევრებსა და ახლობლებს მიანიჭოს მტკიცე რწმენა იმისა, რომ სიცოცხლე არ მთავრდება სიკვდილით, არამედ იგი დასაწყისია მარადიული ცხოვრებისა, რომლისთვისაც ყველანი უნდა მოვემზადოთ. იმქვეყნად წასულთ კი ლოცვითა და ღვთის სათნო საქმეებით შევეწიოთ”, – აღნიშნულია წერილში.
შეგახსენებთ, რომ ტყიბულში მომხდარი უბედური შემთხვევის გამო, საქართველოში დღეს გლოვის დღეა.
