გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    დეკემბერი 2019    »
 1
2345678
9101112131415
16171819202122
23242526272829
3031 

„საქნახშირში“ აცხადებენ, რომ მინდელის შახტში დაღუპულთა ოჯახებს ფინანსურად დაეხმარებიან

6-04-2018

„საქნახშირი“ ტყიბულში, მინდელის შახტში დაღუპულთა ოჯახებს ფინანსურ დახმარებას გაუწევს. როგორც „ინტერპრესნიუსს“ „საქნახშირში“ განუცხადეს, „საქნახშირის“ თითოეული თანამშრომელი სარგებლობს ჯანმრთელობისა და სიცოცხლის დაზღვევის სრულყოფილი პაკეტებით, რაც გარდა იმისა, რომ ითვალისწინებს გეგმური და გადაუდებელი ამბულატორიული, ჰოსპიტალური და მედიკამენტური მკურნალობის ხარჯებს, ასევე გათვალისწინებულია დამატებითი სარეზერვო ფონდი, რომელიც გულისხმობს უბედური შემთხვევების შედეგად გარდაცვლილთა თითოეული ოჯახისთვის 20 000 ლარამდე თანხის გადახდას. 

„ეს პასუხისმგებლობა იწყება დაშავებულების სრული სამედიცინო მომსახურების ხარჯების ანაზღაურებით და დაღუპულთა დაკრძალვის ხარჯების გაწევით. ოჯახის წევრების შემდგომი დასაქმება, განათლების მიცემა, შესაბამისად, მათი მატერიალურად უზრუნველყოფა ამ პასუხისმგებლობის შემდგომი ეტაპია“, - აცხადებენ „საქნახშირში“. 

5 აპრილს, ტყიბულში, მინდელის სახელობის შახტაში მომხდარი უბედური შემთხვევის შედეგად 6 ადამიანი დაიღუპა და 3 დაშავდა.

"ინტერპრესნიუსი"