გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ირაკლი ღარიბაშვილი: 2012 წლიდან დღემდე ჩვენმა ძლიერმა გუნდმა 7 არჩევნებში გაიმარჯვა, რისთვისაც მინდა გულწრფელი მადლობა გადავუხადო ჩვენს ერთგულ ამომრჩეველს, ჩვენი პარტიის თითოეულ წევრს და მხარდამჭერებს

10-08-2021

2012 წლიდან დღემდე, ჩვენმა ძლიერმა გუნდმა 7 არჩევნებში გაიმარჯვა, რისთვისაც მინდა გულწრფელი მადლობა გადავუხადო ჩვენს ერთგულ ამომრჩეველს, ჩვენი პარტიის თითოეულ წევრს და ჩვენი პარტიის მხარდამჭერებს - ამის შესახებ საქართველოს პრემიერ-მინისტრმა ირაკლი ღარიბაშვილმა რუსთავში, მერობის კანდიდატის წარდგენისას განაცხადა.


"დღეს ჩვენ აქ, რუსთავში ვიწყებთ ოფიციალურად თვითმმართველობის არჩევნებისთვის მზადებას. მოგეხსენებათ, რომ 2012 წლიდან დღემდე, ჩვენმა ძლიერმა გუნდმა, ჩვენმა პარტიამ 7 არჩევნებში გაიმარჯვა. ამისთვის მე მინდა გულწრფელი მადლობა გადავუხადო ჩვენს ერთგულ ამომრჩეველს, ჩვენი პარტიის თითოეულ წევრს და ჩვენი პარტიის მხარდამჭერებს. რა თქმა უნდა, რომ არა თქვენი მხარდაჭერა, ეს შეუძლებელი იქნებოდა. ჩვენ, ხელისუფლებაში მოსვლის დღიდან დღემდე ძალიან ბევრი პროექტი განვახორციელეთ. ყველა რეგიონში, ყველა სფეროს მიმართულებით, ჩვენ გვქონდა არნახული პროგრესი, მაგრამ რა თქმა უნდა, ეს არ არის საკმარისი. ჩვენ ახლა ვემზადებით ახალი არჩევნებისთვის. თვითმმართველობის არჩევნები არის ძალიან სერიოზული, ვინაიდან სწორედ თვითმმართველობის არჩევნები არის უმოკლესი გზა ჩვენს მოსახლეობასთან. ბოლო წლების განმავლობაში ქალაქ რუსთავში ძალიან ბევრი პროექტი განხორციელდა, მაგრამ რა თქმა უნდა, ჩვენ კარგად გვესმის, რომ გამოწვევები კიდევ ბევრია",- განაცხადა ირაკლი ღარიბაშვილმა.