სამართლიანად ჩატარდა თუ არა არჩევნები
ბათუმში N2 საჯარო სკოლას რეაბილიტაცია უტარდება
12-08-2021
ბათუმის N2 საჯარო სკოლის კულტურული მემკვიდრეობის ძეგლის სტატუსის მქონე შენობის სრული სარეაბილიტაციო და აღდგენითი სამუშაოები მიმდინარეობს.
მიმდინარე წელს განხორციელდება შენობის სახურავის და ფასადის რეაბილიტაცია.
პროექტირების პროცესში ჩატარდა შესაბამისი კვლევა და ლაბორატორიული ანალიზი თავდაპირველი (ავთენტური) ფასადის ფერებისა და გამოყენებული მასალის სახეობის დასადგენად. შესწავლილი იქნა არქიტექტურული ელემენტების ფიზიკური მდგომარეობა, მოძიებული იქნა საარქივო მასალები შენობის თავდაპირველი იერსახის დასადგენად.
პროექტი შეთანხმებულია სსიპ - კულტურული მეკვიდრეობის სააგენტოს მიერ.
პირველი ეტაპის სამუშაოების ღირებულება 483 400 ლარია. ამ დროისთვის დასრულების სტადიაშია სახურავის სარეაბილიტაციო სამუშაოები და დაწყებულია ფასადის რეაბილიტაცია. მომდევნო წელს სრული რეაბილიტაციის პროცესი გაგრძელდება.
