გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

მე-8 პენიტენციურ დაწესებულებაში ჟოლოსა და პომიდორ „ჩერის“ მოსავლის აღება გრძელდება

6-09-2021

თბილისში, მე-8 პენიტენციურ დაწესებულებაში მსჯავრდებულების მიერ მოყვანილი ჟოლოსა და პომიდორ „ჩერის“ მოსავლის აღება გრძელდება. მსჯავრდებულები დღეს სამი სახეობის ჟოლოსა და წითელ და ყვითელ პომიდორ „ჩერის“ კრეფენ.


როგორც პენიტენციურ დაწესებულებაში აცხადებენ, სასოფლო-სამეურნეო პროექტის მიმდინარეობის სამწლიან პერიოდში წლევანდელი მოსავალი საუკეთესოა, რაც მსჯავრდებულთა შემოსავალზეც აისახება. ჟოლოსა და პომიდვრის გაყიდვით  მიღებული თანხა მათ ხელფასის სახით დაერიცხებათ. პროდუქტის რეალიზაციას კი იუსტიციის სამინისტროს მსჯავრდებულთა პროფესიული მომზადებისა და გადამზადების ცენტრი რამდენიმე ობიექტში მოახდენს.


სასოფლო-სამეურნეო სამუშაოებში მონაწილეობა მსჯავრდებულების რეაბილიტაცია-რესოციალიზაციის პროცესის მნიშვნელოვანი კომპონენტია, ფიზიკური აქტივობა კი მათ ჯანმრთელობის შენარჩუნებაში ეხმარება. ამასთან, მსჯავრდებულები სამეურნეო საქმიანობის უნარ-ჩვევებსაც იძენენ.


მოსავლის მოყვანის პროცესში გლდანის პენიტენციური დაწესებულების მსჯავრდებულები 2019 წლიდან მონაწილეობენ. თავდაპირველად მათ მცირე ტერიტორიაზე მხოლოდ ჟოლო მოჰყავდათ, წელს კი სასოფლო-სამეურნეო სამუშაოები უკვე 9.000 კვადრატული მეტრზე მიმდინარეობს და მსჯავრდებულებმა  1500 კგ. ჟოლო, 2500 კგ. წითელი და ყვითელი პომიდორი ჩერი, 2000 კგ. საზამთრო, 1000 კგ. გოგრა, 1000 კგ. ბულგარული წიწაკა, ბრიუსელის კომბოსტო და მწვანილი, ჯამში, 8 ტონაზე მეტი ხილი და ბოსტნეული მოიყვანეს.


პროგრამის მხარდამჭერები არიან საფრანგეთ-საქართველოს სავაჭრო და სამრეწველო პალატა, საქართველოს სოფლის მეურნეობის სამინისტრო და სოფლის მეურნეობის სამეცნიერო-კვლევითი ცენტრი.