სამართლიანად ჩატარდა თუ არა არჩევნები
გიორგი ღიბრაძე: საზოგადოებრივი ტრანსპორტის გახსნა მოქმედი რეგულაციების დაცვით, დიდ გავლენას არ მოახდენს ეპიდვითარების გაუარესების კუთხით
13-09-2021
საზოგადოებრივი ტრანსპორტის გახსნა, ცხადია იმ რეგულაციების დაცვით, რომელიც მოქმედებს, დიდ გავლენას არ მოახდენს ეპიდვითარების გაუარესების კუთხით, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა.
მისი თქმით, საბჭო ყოველთვის ხელმძღვანელობს არსებული ვითარებით და თანმიმდევრულად, არსებული ეპიდსიტუაციიდან გამომდინარე იღებს შესაბამის გადაწყვეტილებებს.
„საბჭო ყოველთვის ხელმძღვანელობს არსებული ვითარებით და თანმიმდევრულად, არსებული ეპიდსიტუაციიდან გამომდინარე ახორციელებს შეზღუდვებს თუ შემსუბუქებებს. აღნიშნულ მომენტში ცხადია, რისკებიც გათვლილია და ჩათვლილია, რომ საზოგადოებრივი ტრანსპორტის გახსნა, ცხადია იმ რეგულაციების დაცვით, რომელიც მოქმედებს, დიდ გავლენას არ მოახდენს ეპიდვითარების გაუარესების კუთხით და შესაბამისად, ეს გადაწყვეტილება საზოგადოებრივი ტრანსპორტის გახსნის შესახებ იქნა მიღებული", - განაცხადა გიორგი ღიბრაძემ.
