სამართლიანად ჩატარდა თუ არა არჩევნები
თელავში გერმანული სტანდარტის პროფესიული კოლეჯი ამოქმედდება
19-04-2018
საქართველოს განათლებისა და მეცნიერების მინისტრი მიხეილ ჩხენკელი და მინისტრის პირველი მოადგილე ქეთევან ნატრიაშვილი, გერმანიის საერთაშორისო თანამშრომლობის ორგანიზაციის (GIZ) რეგიონალურ დირექტორს, როლანდ სტეურერს, პროფესიული განათლების პროგრამის დირექტორს კატია კამერერს და გერმანიის ელჩს საქართველოში დანიელ ჰაასს შეხვდნენ.
მხარეებმა საქართველოში პროფესიული განათლების განვითარების საკითხები განიხილეს და თელავის სახელმწიფო უნივერსიტეტის ბაზაზე, სოფლის მეურნეობის მიმართულების უმაღლესი პროფესიული კოლეჯის ამოქმედდებასთან დაკავშირებით, მინისტრის ინიციატივას გაეცნენ.
საქართველოში პირველი, აგრარული მიმართულების პროფესიული სასწავლებელი გერმანული სტანდარტების შესაბამისი იქნება და მის პროგრამებში გათვალისწინებული იქნება რეგიონის სპეციფიკა და საჭიროებები. განსაკუთრებული აქცენტი კი, მეღვინეობა-მევენახეობაზე გაკეთდება. თელავის უნივერსიტეტის ბაზაზე ახალი ტიპის სასწავლო პროფესიული დაწესებულების დაარსების გადაწყვეტილება გერმანულმა მხარემ დადებითად შეაფასა და მინისტრსა და სამინისტროს მხარდაჭერა აღუთქვა.
