სამართლიანად ჩატარდა თუ არა არჩევნები
ლომჯარია რომ დესტრუქციული ოპოზიციის აქტორია და არა სახალხო დამცველი, საზოგადოებამ კარგად იცის – გია აბაშიძე
15-09-2021
“როგორც ჩანს, ამ არჩევნებშიც სახალხო დამცველის ინსტიტუტის შემბღალავნი ნინო ლომჯარია და გია ბურჯანაძე, სააკაშვილის ქუჩის აქტივისტების ე.წ. ალტერნატიული საარჩევნო კომისიის” გვერდით დადგებიან”,– ამის შესახებ ანალიტიკოსი გია აბაშიძე სოციალურ ქსელში წერს:
“სახალხო დამცველი ნინო ლომჯარია, რომ დესტრუქციული ოპოზიციის აქტორია და არა სახალხო დამცველი, საზოგადოებამ კარგად იცის. ერთ-ერთი მისი სამარცხვინო განცხადება სასამართლოს დასრულებამდე, სახელოვანი ჩოგბურთელის, ნიკოლოზ ბასილაშვილის საქმეზე – მინდა, ჩემი მხარდაჭერა გამოვუცხადო დაზარალებულ ქალს – იყო ტიპიური მარგინალი “ენჯეოშნიკის” ბაბუცა (პატარაიას) მსგავსი უპასუხიმგებლობა.
”სახელოვან ტრადიციას” არც ლომჯარიას მოადგილე, გია ბურჯანაძე ჩამორჩება და უაპელაციოდ აცხადებს: ამ ტიპის ტოტალური კონტროლის პირობებში ქვეყანაში არც არჩევნები იქნება რეალური და არც რამე სხვა – ეს არის საბჭოთა კავშირი!
როგორც ჩანს, ამ არჩევნებშიც სახალხო დამცველის ინსტიტუტის შემბღალავნი ნინო ლომჯარია და გია ბურჯანაძე, სააკაშვილის ქუჩის აქტივისტების ე.წ. ალტერნატიული საარჩევნო კომისიის” გვერდით დადგებიან. PVT-ს გამყალბებელ “სამართლიან არჩევნებსა” და “ნაცებისათვის” სასარგებლო ჭორების გამავრცელებელ ეკა გიგაურებზე ლაპარაკიც კი ზედმეტია.
თუმცა, სააკაშვილის მარიონეტების ნებისმიერ მარგინალურ ქმედებას თუ განცხადებას, ამომრჩეველი ყოველთვის საკადრისად უპასუხებს”.
