ირაკლი ღარიბაშვილი: ამ ქვეყანაში რევოლუციების და ომის დრო დამთავრებულია

19-10-2021

ერთი რამ მინდა ვუთხრა ყველას - ამ ქვეყანაში რევოლუციების და ომის დრო დამთავრებულია, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს ბათუმში განუცხადა.

მთავრობის მეთაურის თქმით, თუ ვინმე იყენებს სიძულვილის ენას, ეს მხოლოდ „ნაციონალური მოძრაობაა".

„საერთოდ, როდესაც ჩვენ ვსაუბრობთ სიძულვილის ენაზე, ეს მომდინარეობს „ნაცმოძრაობისგან", არათუ სიძულვილის ენა, ეს ადამიანები სიძულვილით მართავდნენ 9 წელი ქვეყანას და ქმედება, ყველაფერი, რაც მომდინარეობდა მათგან, უბედურება, ადამიანების წამება, ტანჯვა, გაუბედურება და ყველაფერი საშინელება, რაც მათ დამართეს ჩვენს მოსახლეობას, რომელ სიძულვილის ენაზე მელაპარაკებით. ერთი რამ მინდა ვუთხრა ყველას - ამ ქვეყანაში რევოლუციების და ომის დრო დამთავრებულია", - განაცხადა პრემიერმა.