გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ირაკლი ღარიბაშვილი: მე პირადად, როგორც პრემიერ-მინისტრი, ვაპირეებ, რომ უშუალოდ, პირადად ვემუშაო თითოეული მუნიციპალიტეტის მერს

23-10-2021

მე პირადად, როგორც პრემიერ-მინისტრი, ვაპირეებ, რომ უშუალოდ, პირადად ვემუშაო თითოეული მუნიციპალიტეტის მერს., - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს ბაღდათში განუცხადა.


მთავრობის მეთაურმა ხაზი გაუსვა, რომ ის იქნება ჩართული ყველა მუნიციპალიტეტში და პირადად ექნება კონტროლი.


„ჩათვალეთ, რომ მე ვიქნები ჩართული ზუგდიდშიც, ქუთაისშიც, თელავშიც, ყველგან, აბსოლუტურად ყველა მუნიციპალიტეტში და პირადად მექნება კონტროლი ყველა იმ სამუშაოსა და პროექტზე, რომელიც მიმდინარეობს და რომელსაც დავიწყებთ ჩემი და ჩვენი გუნდის ინიციატივებით მომავალი წლიდან. ასე, რომ ნურავის ექნება ილუზია და ნურც ამ კრიმინალებს, რომლებიც გველაპარაკებიან ტელევიზიით.


სააკაშვილის დროს როგორი არჩევნები ტარდებოდა. ხურჩის ტერაქტი, თქვენ კარგად გახსოვთ ეს საქმე, ტერაქტი დადგმული იყო კუდის მიერ, სააკაშვილის დავალებით, ცხადია, სააკაშვილის გარეშე არაფერი არ ხდებოდა ამ ქვეყანაში და მაშინ, იმისთვის, რომ მოსახლეობა შეეშინებინათ, დაეშინებინათ, პანიკა და შიში დაეთესათ, დადგეს ტერაქტი, ააფეთქეს ერთ-ერთი ავტომანქანა, თუ ავტობუსი და უდანაშაულო საწყალი ქალბატონი დაიჭრა მძიმედ, ძლივს გადარჩა. ამის გამკეთებელი ხალხი ჩვენ დღეს რომ გვაკრიტიკებს და დემოკრატიაზე გველაპარაკება, ცინიზმიც აღარ არის, ეს რეალურად სრული კატასტროფაა და ამიტომ, კიდევ ერთხელ, ჩვენი საერთო მოტივაციაა, რომ სრული მობილიზება გავაკეთოთ და ძლიერად გავიმარჯვოთ ყველა მუნიციპალიტეტში, იმიტომ, რომ არც ერთი სალაპარაკო აღარ ჰქონდეთ. არჩევნები ჩვენ მოვიგეთ, მიშა ციხეშია და ქვეყანა დამშვიდდება და გავაგრძელებთ მშვიდობიან განვითარებას", - განაცხადა პრემიერმა.