940 000 ლარი რუსთავის უფასო სასადილოებისათვის

24-11-2017

რუსთავის მერიამ უფასო სასადილოებისთვის ტენდერი 940 000 ლარზე უკვე გამოაცხადა. სოციალურად დაუცველი მოქალაქეებისა და შეზღუდული შესაძლებლობების მქონე პირთა კვებით უზრუნველყოფის მომსახურებას სულ 4 სასადილო განახორციელებს, ბენეფიციარების რაოდენობა კი 1800 იქნება. სოციალური სამსახურის ხელმძღვანელის, ნინო ქირიას თქმით - "მენიუ არის მთლიანად შეცვლილი და უფრო მრავალფეროვანი, გავითვალისწინეთ ბენეფიციარების აზრიც. სატენდერო წინადადებაში უამრავი დამცავი მექანიზმია რის გამოც არაკეთილსინდისიერი კომპანია ვერ შემოვა. ყველაზე მთავარი ის არის რომ მენიუს კალორაჟი ნაცვლად 900-ისა იქნება არანაკლებ 1200".

ტენდერის დასრულების შემდეგ გახდება ცნობილი თუ რა დაუჯდება ქალაქს 1 ბენეფიციარის გამოკვება.

წყარო: inforustavi