საინფორმაციო სააგენტო „რეს“-ის ცნობით, დოკუმენტი 26 აპრილს რუსეთის სამართლებრივი ინფორმაციის ოფიციალურ ვებ-გვერდზე გამოქვეყნდა.
დოკუმენტის მიხედვით, შეთანხმების მხარეები ორი წლის განმავლობაში შეიმუშავებენ და შეათანხმებენ ბუნებრივი აირის ფასების გაანგარიშების მეთოდსა და პრინციპებს. ე.წ. სამხრეთ ოსეთის დე ფაქტო მთავრობა „გაზპრომს“ მიჰყიდის „გაზპრომ-სამხრეთ ოსეთში“ თავის 25%-იან წილს და სიმბოლურად დაიტოვებს ერთი რუბლის ღირებულების ერთ სახელობით აქციას. შესაბამისად, „გაზპრომი“ „გაზპრომ-სამხრეთ ოსეთის“100%-იანი წილის მფლობელი გახდება, რაც იმას ნიშნავს, რომ მთელი ქონება, რომელიც დე ფაქტო მთავრობის საკუთრებაშია და გამოიყენება ბუნებრივი აირის ტრანსპორტირების, განაწილების, შენახვისა და რეალიზაციისთვის, რუსულ კომპანიას გადაეცემა.
დოკუმენტში არ არის მითითებული რა თანხას გადაუხდის რუსეთი დე ფაქტო მთავრობას 25%-იანი წილის სანაცვლოდ.
„გაზპრომი“ რუსეთის უმსხვილესი სააქციო საზოგადოებაა. აქციების 50 %-ზე მეტს სახელმწიფოაკონტროლებს.
