1-05-2018
საზოგადოებრივი თავშეყრის ადგილებში ახალი კანონპროექტის მიხედვით, დღეიდან მოწევა იკრძალება.
თამბაქოს მოხმარება დღეიდან ყველა დახურულ დაწესებულებაში, მათ შორის ბარ-რესტორნებში დაუშვებელია.
სიახლეა აგრეთვე ის, რომ მწეველებისა და არამწეველებისთვის სივრცის გამყოფი აქამდე არსებული ზღვარიც გაუქმდება. ამ მხრივ გამონაკლისი იქნება აეროპორტის სატრანზიტო ზონა, კაზინოები, სიგარა-ბარები და პენიტენციალური დაწესებულებები.
კანონპროექტის მიხედვით, წესების დამრღვევი დაწესებულება პირველ ეტაპზე 500, ხოლო განმეორების შემთხვევაში, 1000 ლარით დაჯარიმდება. ურჩი მოქალაქის შემთხვევაში საქმეში სამართალდამცველი ჩაერთვება.