სამართლიანად ჩატარდა თუ არა არჩევნები
ირაკლი კობახიძე: თემურ ალასანიას ჩამოსვლა მორიგი ნიშანია, რომ ისინი შესაძლოა, გარკვეულ მძიმე სცენარებზე ფიქრობდნენ, მაგრამ მათ ამის რესურსი არ აქვთ
16-12-2021
რაც შეეხება თემურ ალასანიას ჩამოსვლას, ესეც მორიგი ნიშანია, რომ ისინი შესაძლოა, გარკვეულ მძიმე სცენარებზე ფიქრობდნენ, მაგრამ ამის რეალური რესურსი უნდა გქონდეს და მათ ამის რესურსი არ აქვთ, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.
მისი თქმით, 21 დეკემბერს დაგეგმილი აქციაც იქნება „ნაციონალური მოძრაობის“ დასუსტების მამხილებელი.
„21 დეკემბერს ნახავთ, რეალურად რისი რესურსი აქვს „ნაციონალურ მოძრაობას“ . ის სერიოზულად არის დასუსტებული, ეს პროცესი გაგრძელდება და მთავარია, ჩვენ ხელი შევუწყოთ ამას. ეს სჭირდება ქვეყანას, ჩვენი ქვეყნის სიმშვიდესა და სტაბილურობას. რეალურად „ნაციონალურ მოძრაობაში“ შიდა დაპირისპირება კიდევ უფრო მწვავდება და ესეც დასუსტების პროცესის ერთ-ერთი შემადგენელი ნაწილია. რაც შეეხება თემურ ალასანიას ჩამოსვლას, ესეც მორიგი ნიშანია, რომ ისინი შესაძლოა, გარკვეულ მძიმე სცენარებზე ფიქრობდნენ, მაგრამ ამის რეალური რესურსი უნდა გქონდეს და მათ ამის რესურსი არ აქვთ“, - განაცხადა ირაკლი კობახიძემ.
