სამართლიანად ჩატარდა თუ არა არჩევნები
ონში სპორტული მინი სტადიონი გაიხსნა
15-01-2022
ონის მუნიციპალიტეტში ინფრასტრუქტურულ ობიექტებზე სამუშაოები აქტიურად მიმდინარეობს. ქალაქ ონში, გვანცა დედოფლის ქუჩაზე სპორტული მინი სტადიონის მშენებლობა დასრულდა.
პროექტის ფარგლებში სპორტულ მოედანზე დამონტაჟდა ფეხბურთის და კალათბურთის ფარები, დაიგო ბუნებრივი საფარი.
ონის მუნიციპალიტეტის მერი სერგი ხიდეშელი, მოადგილე ლევან შერაზადიშვილი და საკრებულოს თავმჯდომარის პირველი მოადგილე ალავერდი ხვედელიანი ადგილზე იმყოფებოდნენ და გაეცნენ შესრულებული სამუშაოების მდგომარეობას.
სპორტული მოედნის მშენებლობა განხორციელდა შპს „ფასისის“ მიერ, ღირებულება შეადგენდა 43778 ლარს, და დაფინანსდა ადგილობრივი ბიუჯეტიდან.
"სასიხარულოა ის ფაქტი, რომ 2022 წელს ქალაქ ონს კიდევ ერთი სპორტული მოედანი შეემატა. ჩვენი ერთ-ერთი ძირითადი პრიორიტეტია ახალგაზრდული ინიციატივებისა და ჯანსაღი ცხოვრების წესის ხელშეწყობა” – აღნიშნა სერგი ხიდეშელმა.
