სამართლიანად ჩატარდა თუ არა არჩევნები
კასპში, ჯამბაკურ-ორბელიანთა სასახლე-მუზეუმში შობა - ახალი წლისადმი მიძღვნილი ღონისძიება გაიმართა
15-01-2022
კასპის მუნიციპალიტეტის სოფელ ლამისყანაში, ჯამბაკურ-ორბელიანთა სასახლე-მუზეუმში შობა - ახალი წლისადმი მიძღვნილი ღონისძიება გაიმართა.
ღონისძიების ორგანიზატორები და მონაწილეები სოფლის საჯარო სკოლის მოხალისე მოსწავლეები იყვნენ.
მოხალისეებმა დარბაზის მონაწილეებს საკუთარი შემოქმედება შესთავაზეს: ლექსი, ცეკვა, სიმღერა. ზეიმის დასასრულს თოვლის პაპამ ბავშვები საახალწლო საჩუქრებით გაახალისა.
ჯამბაკურ-ორბელიანთა სასახლე-მუზეუმის დირექტორმა სოფიო ცუცუნაშვილმა ახალი წელი ყველას მიულოცა, ხოლო ორგანიზატორ მონაწილეებს მადლობა გადაუხადა.
ღონისძიება დააფინანსა მუზეუმის მეგობარმა, ყოფილმა ვოლონტიორ-მოხალისე ამჟამად სტუდენტმა ავთანდილ ბეინაშვილმა. ავთანდილი პარიზიდან ჩაერთო ღონისძიების მსვლელობაში, მიესალმა მონაწილეებს და წარმატებული 2022 წელი უსურვა.
ღონისძიებაზე დაცული იყო კოვიდრეგულაციები.
