სამართლიანად ჩატარდა თუ არა არჩევნები
ზურაბ ქადაგიძე: ამბოხებულ მოსამართლეებს „ნაცმოძრაობა“ ჰპირდება ხელშეუხებლობას და დაწინაურებას უზენაეს სასამართლოში, იქ მყოფების კი გაყრას
17-01-2022
ამბოხებულ მოსამართლეებს „ნაცმოძრაობა“ ჰპირდება ხელშეუხებლობას და დაწინაურებას უზენაეს სასამართლოში, იქ მყოფების კი გაყრას და ქეთევან მესხიშვილს საერთოდ უზენაესი სასამართლოს თავმჯდომარეობასაც, რომ მათ როგორმე მოახერხონ შიგნიდან სასამართლო სისტემის „არევა“ და მის პოლიტიკურ ქაოსში ჩათრევა, რასაც ოპოზიცია უკვე „სარფიანად“ გამოიყენებს ქვეყნის შიგნით თუ მის გარეთ საერთაშორისო პლატფორმაზე იმის საჩვენებლად, „თურმე რა ამბები ხდება“ სასამართლოში, რაც საბოლოოდ მთელი სისტემის და მისი ნდობის მძიმე დისკრედიტაციას მოახდენს, - ამის შესახებ ნათქვამია ანალიტიკოს ზურაბ ქადაგიძის წერილში, რომელიც მან Facebook-ზე გამოაქვეყნა.
„უბრალოდ მე არ მესმის, იმაზე გაგულისებულმა - რომ პარლამენტმა არ აგირჩია უმაღლესი ინსტანციის მოსამართლედ, ყველაფერს ხაზი გადაუსვა, წახვიდე გარიგებაზე უბინძურეს პოლიტიკურ ძალასთან ნაც. მოძრაობასთან, რომელმაც ხელისუფლებაში ყოფნის პირობებში ასეულობით შენი კოლეგა გაყარა, დევნა, ღირსება შეულახა და ეხლაც შენთან კოორდინაციაში, ისევ იგივე გზას ადგას - “ შავ სიებს“, რეპრესიებს აანონსებს და ამაზე ფორმალურად მაინც ხმას არ იღებ, უკვე ცხადია მინიმუმ თანომონაწილე ხარ ამ ყველაფრის. მაშინ სად იყავით ეს „ამბოხებული მოსამართლეები“, როდესაც წინა ხელისუფლება მართლაც სასტიკ კანონებს იღებდა, თქვენს კოლეგებს სახლში ყრიდა, საქმეებს უღძრავდა და ატერორებდა, დარჩენილებს კი „ნოტარიუსებად“ გამუშავებდათ - მაშინ რატომ არ იღებდით ხმას? რატომ არ უპირისპირდებოდით მართლაც საშინელ სისტემას? რატომ არ ავრცელებდით საჯარო საპროტესტო წერილებს? რატომ არ ასაჩივრებდით საკონსტიტუციო სასამართლოში იმდროინდელ რეპრესიულ კანონებს? და ა.შ.“, - ნათქვამია ქადაგიძის წერილში.
