გენერალ კვინიტაძის საფლავთან დაკავშირებით თავდაცვის სამინისტრო განცხადებას ავრცელებს

6-02-2022

მთაწმნდის პანთეონში, გენერალ კვინიტაძის საფლავთან დაკავშირებით საქართველოს თავდაცვის სამინისტრო და დედაქალაქის მერია ერთობლივ განცხადებას ავრცელებს, რომელსაც უცვლელად გთავაზობთ:

„ტელეკომპანია პირველი“ კვლავ განაგრძობს დეზინფორმაციულ კამპანიას. მედიასაშუალების მიერ დღეს გავრცელებული ინფორმაცია გენერალ კვინიტაძის საფლავთან დაკავშირებით, მიზნად ისახავს საზოგადოების შეცდომაში შეყვანას და სამთავრობო უწყებების დისკრედიტაციას. ტელეკომპანიის მტკიცებით, ეროვნული გმირის საფლავი უყურადღებოდ არის დარჩენილი.

საზოგადოების ინფორმირების მიზნით განვმარტავთ, რომ ამ ეტაპზე მიმდინარეობს გენერალ კვინიტაძის საფლავის ესკიზის შეთანხმება მისი ოჯახის წევრებთან. გენერლის ოჯახის მხრიდან თანხმობის მიღებისთანავე, როგორც თავდაცვის სამინისტრო, ასევე თბილისის მერია მზადყოფნას გამოხატავენ, უმოკლეს ვადებში დაასრულონ საფლავის მოპირკეთება" - ნათქვამია განცხადებაში.