სამართლიანად ჩატარდა თუ არა არჩევნები
ბრიტანეთის ელჩი საქართველოში: უკრაინაში მიმდინარე მოვლენებზე საქართველოს პოზიცია ძალიან ნათელია, საქართველო მტკიცეა აგრესიის წინააღმდეგ, საქართველო დგას იქ, სადაც გაერთიანებული სამეფო
9-03-2022
,,უკრაინაში მიმდინარე მოვლენებზე საქართველოს პოზიცია ძალიან ნათელია, საერთაშორისო პერსპექტივიდან საქართველო ძალიან მტკიცეა აგრესიის წინააღმდეგ. საერთაშორისო საზოგადოების ერთიანი პასუხის მხარდაჭერაში იქნება ეს, გაეროს, უშიშრობის საბჭო თუ გენერალური ასამბლეა ეუთო, ევროპის საბჭოს სისხლის სამართლის საერთაშორისო სასამართლო და ა.შ. საქართველო დგას იქ, სადაც გაერთიანებული სამეფო’’ - ასე უპასუხა ტელეკომპანია ,,ფორმულას’’ ეთერში ბრიტანეთის ელჩმა მარკ კლეიტონმა - საქართველოს არჩევანს და ხელისუფლების პოზიციონირებასთან დაკავშირებით დასმულ შეკითხვას.
როგორც ელჩმა განმარტა, საქართველოს პასუხი, უკრაინაში შეჭრასთან დაკავშირებით არის იგივე, რაც მთელ მსოფლიოში.
,,პირველ რიგში მინდა ვთქვა, რომ მე დავესწარი, რამდენიმე ასეთ აქციას, უკრაინის სოლიდარობის მიზნით, რომ უკეთ გამეგო, როგორია ხალხის რეაქცია.
პირველი რაც მინდა ვთქვა, ქართველი ხალხის პასუხი შეჭრაზე, არის იგივე, რაც მთელს მსოფლიოში - ყოველდღიური აქციები, ყოველდღიური მხარდამჭერი და სოლიდარობის დემონსტრაციები და ეს არ არის მხოლოდ მიტინგები, რომელიც რუსთაველზე ტარდება, სადაც არ ვყოფილვარ ბოლო რამდენიმე კვირაა ყველგან მხვდება უკრაინის და საქართველოს დროშები, ჩვენი საელჩოს წინაც ფრიალებს უკრაინული დროშა სოლიდარობის ნიშნად’’ - განაცხადა მარკ კლეიტონმა.
