სამართლიანად ჩატარდა თუ არა არჩევნები
ვის მფლობელობაშია სასტუმრო ''ლეოგრანდი''
25-11-2017
სასტუმრო "ლეოგრანდი" - კომპანია შპს "მერსინ ტურიზმი" - ს სახელწოდებით 2011 წლის 14 ნოემბერს დაფუძნდა.
მეწარმეთა რეესტრში წერია, რომ დამფუძნებლები თურქეთის მოქალქეები არიან. ეროლ ავგორენი 80 პროცენტიანი მოწილეა, მეთინ არიფაღაოღლუ და ათილგან არიფაღაოღლუ კი, 10-10 პროცენტიანწილებს ფლობენ კომპანიაში.
არის თუ არა დამფუძნებლები ის პირები, ვისაც ევალებოდა უსაფრთხოების დაცვა? იურისტები ამბობენ, რომ პასუხისმგებლობა უსაფრთხოების ზომების დაცვაზე მფლობელებთან ერთად იმ უწყებასაც ეკისრება, რომლიცც ობიექტს ექსპლუატაციაში შესვლამდე იბარებს.
ობიექტი ქალაქის მერიამ, გიორგი ერმაკოვის მერობის პროცესში ჩაიბარა. ყოფილი მერი ჩვენს სატელეფონო ზარებს არ პასუხობს, მერიაში კი ამბობენ, რომ კანონმდებლობით არ აქვთ ვალდებულება ობიექტის უსაფრთხოება შეამოწმონ. იგივეს ამბობენ ეკონომიკის სამინისტროში.
ობიექტის ექსპლუატაციაში მიღებამდე, 2015 წლის 3 დეკემბრის ბათუმის საქალაქო სასამართლოს განჩინებით, ობიექტს ყადაღა დაედო. იმავე წელს სასტუმრო გრანდიოზულად გაიხსნა. გახსნას მაშინდელი პრემიერ მინისტრი გიორგი ღარიბაშვილი, თურქეთის კონსული და ადგილობრივი ხელისუფლების წარმომადგენლები ესწრებოდნენ.
2015 წლის მაისში, ქობულეთში, სასტუმრო "არმაზში" 3 არასრულწლოვანი დაიღუპა.
2015 წლის მაისში 7 ივნისს კი ექს პრემიერმა სასტუმრო "ლეოგრანდი" გახსნა.
2015 წლის, ივლისში ირაკლი ღარიბაშვილმა სახანძრო უსაფრთხოების წესებისა და პირობების შესახებ ტექნიკური რეგლამენტის დამტკიცების თაობაზე განკარგულება გამოსცა.
2017 წლის 24 ნოემბერს "ლეოგრანდში" ხანძრის შედეგად 11 ადამიანი დაიღუპა 21 კი დაშავდა.
სასტუმრო 5-ვარსკვლავიანია და მასში 40 მილიონი დოლარის ინვესტიციაა ჩადებული.
წყარო: "აჭარის ტელევიზია"
