სამართლიანად ჩატარდა თუ არა არჩევნები
გიორგი გახარია: ჩვენი სერიოზული გამოწვევა კლუბური ნარკომანიაა, რომლის ძირითადი წყარო ევროპაა
18-05-2018
საქართველოს შინაგან საქმეთა მინისტრის, გიორგი გახარიას განცხადებით, შსს-ს ძირითადი გამოწვევები ნარკოტიკების გავრცელების ერთ-ერთი წყარო ფონიჭალა, ნარკორეალიზება ინტერნეტის საშუალებით და ევროპიდან კლუბური ნარკომანიის ტრანზიტია.
ამის შესახებ გახარიამ პარლამენტის პლენარულ სხდომაზე განაცხადა, სადაც სიტყვით გამოსვლის შემდეგ დეპუტატების კითხვებს უპასუხა.
„საქართველოში დღეს რეალურად არსებობს ნარკოტიკების გავრცელების რამდენიმე სერიოზული არხი, პირველი ეს გახლავთ ფონიჭალა. ბოლო სამი თვის განმავლობაში 10-მდე კილოგრამი ჰეროინი იქნა ამოღებული, რეალურად საკმაოდ ეფექტურად ვმუშაობთ. ძირითადად მსხვილ კომპონენტზე ვმუშაობთ, მეორე ძალზე მნიშვნელოვანი გამოწვევაა ნარკოტიკების ინტერნეტის საშუალებით გავრცელება და მესამე - კლუბური ნარკომანია, რომლის ძირითადი წყაროა და ტრანზიტი ხდება ევროპის ქვეყნებიდან“- განაცხადა გახარიამ.
