სამართლიანად ჩატარდა თუ არა არჩევნები
ვახტანგ მაისურაძემ ფარმაცევტულ კომპანიებთან მემორანდუმები გააფორმა
8-04-2022
კასპის მუნიციპალიტეტის მერმა ვახტანგ მაისურაძემ ფარმაცევტულ კომპანიებთან ურთიერთთანამშრომლობის მემორანდუმები გააფორმა.
მემორანდუმები შპს „პსპ ფარმასთან“, სს „გეფასთან“, შპს „იმპექსფარმთან“ და შპს „ავერსი-ფარმასთან“ გაფორმდა და მიზნად ისახავს კასპის მუნიციპალიტეტში რეგისტრირებული მოსახლეობის, მედიკამენტებით უზრუნველყოფის კუთხით დასაფინანსებელ ბენეფიციართა, სოციალურ-ეკონომიკური მდგომარეობის გაუმჯობესების ხელშეწყობას.
კასპის მუნიციპალიტეტში რეგისტრირებული მოქალაქეები, რომლებიც სარგებლობენ მერიის სოციალური პროგრამის დახმარებით, მედიკამენტებს 5 სააფთიაქო ქსელში შეღავათიანი ტარიფებით შეიძენენ.
სააფთიაქო ქსელებთან მემორანდუმები, შიდა ქართლის სახელმწიფო რწმუნებულის ადმინისტრაციის ჩართულობით გორის და ხაშურის მუნიციპალიტეტების მერებმაც გააფორმეს.
