სამართლიანად ჩატარდა თუ არა არჩევნები
| « ივნისი 2025 » | ||||||
|---|---|---|---|---|---|---|
| ო | ს | ო | ხ | პ | შ | კ |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
ლანჩხუთში 9 აპრილს დაღუპულები გაიხსენეს
9-04-2022
1989 წლის 9 აპრილიდან 33 წელი გავიდა. ამ დღესთან დაკავშირებით ლანჩხუთის ივერიის ღვთისმშობლის ხატის სახელობის ტაძარში პანაშვიდი ჩატარდა, ადგილობრივი ხელისუფლების წარმომადგენლებმა დამოუკიდებლობის აქტზე ხელმომწერების: გია ფირცხალაიშვილისა და გურამ გუჯაბიძის საფლავები ყვავილებით შეამკეს.
შემდეგ კი ღონისძიება მხარეთმცოდნეობის მუზეუმში გაიმართა. სტუმრებმა განახლებული ექსპოზიცია დაათვალიერეს. აქვე ლიტერატურული კონკურსის ,,9 აპრილიდან 9 აპრილამდე" გამარჯვებულები დაჯილდოვდა.
პოეზიაში პირველ ადგილზე პაპუნა ფირცხალაიშვილი გავიდა, მეორეზე- ზურა მურვანიძე, ხოლო მესამე ადგილი სოფია სამხარაძეს ერგო.
პროზაში პირველი ადგილი ანა ურუშაძემ მოიპოვა, მეორე - მარიამ ურუშაძემ, ხოლო მესამეზე - ლიზი შავიძე გავიდა.
გამარჯვებულებს სიგელები ადგილობრივი ხელისუფლების პირველმა პირებმა გადასცეს. პირველ ადგილზე გამარჯვებულებს 300, მეორეზე - 200, ხოლო მესამე ადგილზე გასულებს 100 ლარი გადაეცათ.
კონკურსის მხარდამჭერი მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახური და გაზეთი ,,გურია თუდეი" გახლდათ.
