პრესის მიმოხილვა
გამოკითხვა
სამართლიანად ჩატარდა თუ არა არჩევნები
ჭიათურის მაღაროში დაშავებული მუშა, რომელსაც გადაუდებელი ოპერაცია ჩაუტარდა, რეანიმაციულ განყოფილებაში რჩება
21-05-2018
ჭიათურაში, კოროხნალის მაღაროში დაშავებული 32 წლის ალექსანდრე დეკანოიძე რეანიმაციულ განყოფილებაში რჩება. ამის შესახებ „ინტერპრესნიუსს“ მკურნალმა ექიმმა კობა გელაშვილმა განუცხადა.
ექიმის ინფორმაციით, დაშავებული ქუთაისის ცენტრალური საავადმყოფოს რეანიმაციულ განყოფილებაში იმყოფება და მას გუშინ გადაუდებელი ოპერაცია გაუკეთდა. მისივე თქმით, მიუხედავად იმისა, რომ დღეს გაცილებით დადებითი სურათია, მას ამ დროისთვის ხერხემალზე გამოკვლევები ესაჭიროება.
შემთხვევა ჭიათურის კოროხნალის მაღაროში გუშინ მოხდა, რა დროსაც ქვა ჩამოვარდა და მუშას დაეცა. ის გუშინ ქუთაისის ცენტრალურ საავადმყოფოში გადაიყვანეს. მომხდარზე შს სამინისტრო გამოძიებას აწარმოებს.
"ინტერპრესნიუსი"
ინტერვიუ
