სამართლიანად ჩატარდა თუ არა არჩევნები
თამარის ციხეს რეაბილიტაცია ჩაუტარდება
28-04-2022
აჭარის კულტურული მემკვიდრეობის დაცვის სააგენტომ თამარის ციხის სარესტავრაციო/საკონსერვაციო და ტურისტული ინფრასტრუქტურის მოწყობის საპროექტო დოკუმენტაციის შედგენაზე მუშაოება დაიწყო.
დღეს, აჭარის კულტურული მემკვიდრეობის დაცვის სააგენტოს დირექტორის მოვალეობის შემსრულებელმა ზაურ ახვლედიანმა, ქალაქ ბათუმის მერთან არჩილ ჩიქოვანთან ერთად თამარის ციხე დაათვალიერა და ადგილზე გაეცნო ძეგლის რეაბილიტაციის პროექტს.
პროექტის მიხედვით მოხდება ძეგლის რეაბილიტაცია-კონსერვაცია, მოეწყობა მიმდებარე ტერიტორიის ტურისტული ინფრასტრუქტურა, რომელიც განხორციელდება ქალაქ ბათუმის მერიიის ფინანსური მხარდაჭერით.
ციხე სავარაუდოდ აგებულია XI საუკუნეში. იგი მდებარებს მდინარე ყოროლისწყლის მარცხენა ნაპირას აღმართულ ბორცვზე. მას მრავალჯერ განუცდია გადაკეთება, ამიტომ თავდაპირველი სახის აღდგენა ძნელია. ციხემ მნიშვნელოვანი დაზიანება განიცადა გასული საუკუნის 60-იან წლებში, მასზე კაფე-პავლიონის აშენებისას. ამ დროს დაინგრა მისი სამხრეთი კედლის ერთი ნაწილი.
