მარიამ ქვრივიშვილი: unwto სესიაში მონაწილეობა, მნიშვნელოვანია საქართველოს პოზიციონირების გაძლიერებისთვის და ხაზგასასმელია, რომ ღონისძიება ტარდება საუდის არაბეთში - ჩვენი ქვეყნისთვის გამორჩეულად მნიშვნელოვან ტურისტულ ქვეყანაში

7-06-2022

გაეროს მსოფლიო ტურიზმის ორგანიზაციის აღმასრულებელი საბჭოს 116-ე სხდომაზე  საქართველო საბჭოს წევრი ქვეყნის სტატუსით მონაწილეობს. სესიას, რომელიც საუდის არაბეთის სამეფოს ქალაქ ჯედაში იმართება,  საქართველოს ეკონომიკისა და მდგრადი განვითარების მინისტრის მოადგილე მარიამ ქვრივიშვილი და ტურიზმის ეროვნული ადმინისტრაციის ხელმძღვანელის პირველი მოადგილე თამარ ყორიაული ესწრებიან. 

ღონისძიებაზე  საერთაშორისო ტურიზმში არსებული ტენდეციები და სექტორის მდგრად აღდგენაზე ორიენტირებული სამომავლო გეგმები განიხილეს.
 
"გაეროს მსოფლიო ტურიზმის ორგანიზაციის 116-ე საბჭოს სხდომაზე მონაწილეობა  წევრი ქვეყნის სტატუსით ძალიან  მნიშვნელოვანია. რადგან ამ პლატფორმიდან გვეძლევა შესაძლებლობა, მონაწილეობა მივიღოთ ისეთი საკითხების გადაჭრასა და გადაწყვეტილების მიღებაში,  რომელიც გლობალურად ტურიზმის აღდგენის დინამიკას აუმჯობესებს. რა თქმა უნდა ეს დადებითად აისახება ჩვენს ქვეყანაზეც, გარდა ამისა, ეს არის მნიშვნელოვანი პლატფორმა იმისთვის, რომ გავაძლიეროთ ჩვენი ქვეყნის პოზიციონირება და აღსანიშნავია, რომ ღონისძიება ტარდება საუდის არაბეთში, რომელიც გამორჩეულად მნიშვნელოვანი ტურისტული ქვეყანაა ჩვენი ქვეყნისთვის"- განაცხადა მარიამ ქვრივიშვილმა. 

სესიის ფარგლებში გაიმართა თემატური სადისკუსიო პანელები და ორმხრივი შეხვედრები, მსოფლიოს სხვადასხვა ქვეყნის ტურიზმის უწყებების მაღალი რანგის წარმომადგენლების ჩართულობით.