გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

სოზარ სუბარი: ძმები ბერძენიშვილები და რესპუბლიკური პარტია კლასიკური პარაზიტი ტიპის პარტიაა, რომელსაც არასდროს აქვს შანსი რამეს მიაღწიოს, მუდმივად ეძებს, ვის მიეკრას და მიყიდოს თავი, რომ პირველივე შემთხვევაში უღალატოს

8-06-2022

ძმები ბერძენიშვილები და რესპუბლიკური პარტია მთლიანად არის კლასიკური პარაზიტი ტიპის პარტია, რომელსაც არასდროს აქვს შანსი რამეს მიაღწიოს, მუდმივად ეძებს, ვის მიეკრას და მიყიდოს თავი, რომ პირველივე შემთხვევაში უღალატოს. ისინი მუდამ ცდილობენ იტივტივონ წყლის ზედაპირზე, არ ჩაიძირონ, ვერასდროს ვერაფერს აღწევენ და მუდამ სხვასთან პარაზიტობის ხარჯზე ცდილობენ რამენაირად გავიდნენ ფონს, რადგან საკუთარი ამომრჩეველი არ ჰყავთ - ამის შესახებ უმრავლესობის წევრმა სოზარ სუბარმა განაცხადა.

 

როგორც სუბარმა აღნიშნა, ლევან ბერძენიშვილმა ერთ-ერთ ლექციაში კარგად გამოთქვა თავისი კრედო - თუ გინდა ვინმეს შეურაცხყოფა მიაყენო, უნდა შეუგინო ის, რაც მისთვის ყველაზე ძვირფასია და ამას აკეთებენ ისინი ყოველ ჯერზე. აგინებენ ქართველ ხალხს, მის ეკლესიას, სიწმინდეებს, წმინდანებს, მეფეს, პატრიარქს, ყველას, რაც ხალხისთვის შეიძლება იყოს ძვირფასი.

 

„ძმები ბერძენიშვილები და რესპუბლიკური პარტია მთლიანად არის კლასიკური პარაზიტი მიმიკრია ტიპის პარტია, რომელსაც არასდროს აქვს შანსი რამეს მიაღწიოს, მუდმივად ეძებს, ვის მიეკრას, ვის მიყიდოს თავის თავი, რომ პირველივე შემთხვევაში უღალატოს. იყვნენ შევარდნაძესთან, იყვნენ სააკაშვილთან, უღალატეს სააკაშვილს, იყვნენ ოცნებასთან, უღალატეს ოცნებას, გადავიდნენ ისევ სააკაშვილთან, მანამდე სცადეს ხელისუფლებაში მოსულიყვნენ ეროვნულ-დემოკრატებთან ერთად, სახალხო ფრონტთან ერთად.

 

იმდენი სხვადასხვა მიმართულების პარტია გამოიცვალეს, რომ როგორმე თავისი ერთი ხმა ყოფილიყო პარლამენტში. მუდამ ცდილობენ იტივტივონ წყლის ზედაპირზე, არ ჩაიძირონ და არიან ასე, ვერც ვერაფერს აღწევენ ვერასდროს და მუდამ სხვასთან პარაზიტობის ხარჯზე ცდილობენ რამენაირად გავიდნენ ფონს, იმიტომ, რომ საკუთარი ამომრჩეველი არ ჰყავთ. ფონს გასვლა საბოლოო ჯამში გამოხატულია იმაში, რომ ერთი, ორი, უკეთეს შემთხვევაში ოთხი ან ხუთი კაცი შეჰყავთ პარლამენტში და თავის ვნებებს იკმაყოფილებენ. ხალხი ხმას არ აძლევს და არც არასდროს მისცემს.

 

ლევან ბერძენიშვილმა კარგად გამოთქვა ერთ-ერთ ლექციაში თავისი სათქმელი და კრედო - თუ გინდა ვინმეს შეურაცხყოფა მიაყენო, უნდა შეუგინო ის, რაც მისთვის ყველაზე ძვირფასია და ამას აკეთებენ ისინი ყოველ ჯერზე. აგინებენ ქართველ ხალხს, აგინებენ მის ეკლესიას, მის სიწმინდეებს, მის წმინდანებს, მეფეს, პატრიარქს, ყველას, რაც ხალხისთვის შეიძლება იყოს სიწმინდე და ძვირფასი. აქედან ჩანს ყველაზე კარგად მათი ბუნება, რაც ყველაზე კარგად ისევ ლევან ბერძენიშვილმა დაახასიათა, გავიმეორებ - თუ გინდა ვინმეს შეურაცხყოფა მიაყენო, უნდა შეუგინო ის, რაც ამ ხალხისთვის არის ყველაზე წმინდა“ - განაცხადა სოზარ სუბარმა.