გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ეკონომიკის მინისტრის მოადგილე რომეო მიქაუტაძემ ნავთობისა და გაზის კორპორაციის ახალი ხელმძღვანელი გიორგი ჩიქოვანი თანამშრომლებს წარუდგინა

15-06-2022

საქართველოს ეკონომიკის მინისტრის მოადგილემ, რომეო მიქაუტაძემ, ნავთობისა და გაზის კორპორაციის თანამშრომლებს უწყების ახალი გენერალური დირექტორი გიორგი ჩიქოვანი წარუდგინა.


მინისტრის მოადგილემ ყურადღება გიორგი ჩიქოვანის კვალიფიკაციაზე, პროფესიონალიზმსა და გამოცდილებაზე გაამახვილა. მისი თქმით, სამინისტრო და ნავთობისა და გაზის კორპორაცია მჭიდრო და კოორდინირებულ ურთიერთთანამშრომლობას მომავალშიც გააგრძელებენ.


კორპორაციის ახალ ხელმძღვანელს აქვს მენეჯერულ პოზიციებზე საქმიანობის დიდი გამოცდილება, სხვადასხვა დროს ეკავა ეკონომიკისა და ენერგეტიკის მინისტრის მოადგილეების თანამდებობა, ასევე ხელმძღვანელობდა საქართველოს ენერგეტიკის განვითარების ფონდს, ამასთან აქვს ენერგეტიკის სფეროში საექსპერტო და ხელმძღვანელ პოზიციებზე საქმიანობის მრავალწლიანი გამოცდილება აქვს როგორც ადგილობრივ, ისე საერთაშორისო დონეზე.


შეხვედრაზე გიორგი ჩიქოვანმა ხაზი გაუსვა კორპორაციის საქმიანობის მნიშვნელობასა და მის მზაობას ამ საქმიანობის ეფექტიანობის გაზრდისადმი, რაც, თავის მხრივ, ქვეყნის ეკონმიკური განვითარების მნიშვნელოვანი ხელშემწყობი ფაქტორია.