გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ლოჯისტიკის სასწავლო კურსი დასრულდა

19-06-2022

საქართველოს თავდაცვის ძალების დასავლეთ სარდლობის მე-2 ქვეითი ბრიგადის ბაზაზე "მიღების, განთავსებისა და ოპერაციის რაიონში გადაადგილების (RSOM) კურსის დახურვის ცერემონიალი გაიმართა. კურსი ჩეხეთის რესპუბლიკის მრავალეროვნული ლოჯისტიკის საკოორდინაციო ცენტრის (MLCC) მიერ სენაკში, მე-2 ქვეითი ბრიგადის ტერიტორიაზე და ქ.ფოთში, პორტის ნავსადგურში ჩატარდა. 


სასწავლო პროგრამა პრაქტიკულ და თეორიულ მეცადინეობებს მოიცავდა. ორი კვირის განმავლობაში მსმენელებმა შეისწავლეს როგორც სამშვიდობო ოპერაციების, ასევე საომარი მოქმედებების დროს ოპერაციის რაიონში ტვირთებისა და პირადი შემადგენლობის მიღება, განთავსება და გადაადგილება. მსმენელებმა ნატოს და პარტნიორი ქვეყნების განახლებული ლოჯისტიკური პროგრამების შესახებაც მიიღეს ინფორმაცია. კურსი საქართველოსა და ჩეხეთის თავდაცვის სამინისტროებს შორის ორმხრივი თანამშრომლობის გეგმის ფარგლებში ჩეხი ინსტრუქტორების მიერ ჩატარდა. 


სასწავლო კურსი ლოჯისტიკის თანამედროვე პროგრამების გაცნობას და ლოჯისტიკური ოპერაციების შესრულებას ისახავდა მიზნად. ღონისძიებას თავდაცვის ძალების დასავლეთის სარდალი, ბრიგადის გენერალი კობა გრიგოლია და თავდაცვის ძალების წარმომადგენლები დაესწრნენ.