სამართლიანად ჩატარდა თუ არა არჩევნები
"ქალი ყვიროდა, მიშველეთო! შიშზე საერთოდ არ მიფიქრია" - ბიჭები, რომლებმაც ბებია და 6 წლის ბიჭუნა ხანძრისგან იხსნეს
5-06-2018
"კვირის პალიტრა" 16 წლის ქუთაისელი ბიჭების, რობი კაპანაძია და თემურ რამიშვილის გმირობის შესახებ წერს.
გამოცემის ცნობით, მათ საკუთარი სიცოცხლის ფასად, ცეცხლმოკიდებული ბინიდან 6 წლის ბიჭუნა და მისი ბებია გამოიყვანეს. შემდეგ "ქუდები დაიხურეს" და იქაურობას უხმაუროდ გასცილდნენ.
ხანძარი ნიკეას ქუჩაზე მდებარე კორპუსში მოხდა.
"როგორც მერე გაირკვა, ამ კორპუსის მე-2 სართულზე 6 წლის ბავშვი მშობლებმა ბებიას დაუტოვეს. ვიდრე ქალი ბინაში საქმიანობდა, ბავშვი სამზარეულოში შევიდა, სანთებელა აიღო და თამაში დაიწყო.
შედეგად ცეცხლი მაგიდის გადასაფარებელს მოედო, აქედან კი მთელ სამზარეულოს.
ვიდრე ხანძარს მეზობლები შენიშნავდნენ, ცეცხლი ჩვენის სკოლიდან გამოჩნდა. ამ დროს სკოლის ეზოში ორი ბავშვი იყო - მე - 10 - კლასელი რობი კაპანაძე და მე-11-კლასელი თემურ რამიშვილი, რომლებიც ცეცხლმოკიდებუული კორპუსისკენ გაიქცნენ, სადაც ქალის ყვირილი გაიგონეს, რომელიც დახმარებას ითხოვდა. ბიჭები არც კი დაფიქრებულან ისე შევარდნენ ცეცხლში. ერთმა ბავშვი გამოიყვანა სამშვიდობოს, მეორემ კი - ბებია.
რომ არა რობი და თემური, ცეცხლიდან ცოცხალი იქნებ ვერცერთი ვერ გამოსულიყო. ბავშვებმა ბებია და შვილიშვილი სამშვიდობოს რომ გაიყვანეს, მეზობლებმა მერე შეიტყვეს კორპუსში რაც ხდებოდა, სახანძრო კი მაშინ მოვიდა, როცა უკვე ბინაში ყველაფერი დამწვარი იყო"- აცხადებს ქუთაისის მე-17 სკოლის დირექტორს, ირინა ჯგერენაია.
"კვირის პალიტრა" რობი კაპანაძესაც დაუკავშირდა:
- ხანძრის დროს სკოლის ეზოში შემთხვევით ვყავით და კიდევ კარგი რომ ვიყავით, რადგან კორპუსის ფანჯრები ყველაზე კარგად სკოლიდან ჩანს. ჩვენზე ადრე ცეცხლს ვერც მეზობლები დაინახავდნენ და არც ხალხი ჩანდა ქუჩაში. ჩვენ რომ კორპუსთან მივირბინეთ ფანჯრიდან გამოვარდნილი ალი უკვე მესამე სართულის ფანჯარას მისწვდა და მინები ჩამოამტვრია.
გავიგონეთ, ქალი როგორ ყვიროდა, მიშველეთო! ვერ გამოდიოდა და რომ არ შევსულიყავით, დაიწვებოდა. კიდევ კარგი, კარს როგორც კი მივაწექით, მაშინვე გაიღო...
სამზარეულო და შესასვლელი მთლიანად იწვოდა, ეგრევე შევვარდით. შიშზე საერთოდ არ მიფიქრია... ბავშვი და ბებია ოთახიდან ვერ გამოდიოდნენ, მარტო ტიროდნენ და ეგ იყო. ისტერიკაში იყო ორივე. მე ბავშვი ავიყვანე, თემომ კი - ბებია. სულ ეგ იყო, საწყლები ისე იყვნენ შეშინებულები, კანკალებდნენ. ეზოსაც კი მოვაშორეთ, რომ ცეცხლისთვის არ ეყურებინათ. ამის მერე მეზობლებიც მოვიდნენ, მაგრამ ცეცხლი უკვე მთელ ბინას ჰონდა მოდებული"- აცხადებს ბიჭი და აღნიშნავს, რომ სასწრაფო მას შემდეგ მოვიდა, რაც "ყველაფერი დაიწვა და აღარაფერი დარჩა. ვერ ვხვდები ასე რატომ დაიგვიანეს… ხალხი უსახლკაროდ დარჩა"
