ირაკლი კობახიძე: პრეზიდენტმა გამოხატა წყენა, რომ რადიკალურ ოპოზიციას გუშინდელი აქცია ჩაუვარდა, სხვა კომენტარს მე მის განცხადებაზე ვერ გავაკეთებ

4-07-2022

,,ერთადერთი, რაც მან გამოხატა ეს არის წყენა იმის გამო, რომ რადიკალურ ოპოზიციას გუშინ აქცია ჩაუვარდა. უბრალოდ ეწყინა მათი წარუმატებლობა’’ - ასე უპასუხა ,,ქართული ოცნების’’ თავმჯდომარემ ირაკლი კობახიძემ ჟურნალისტების შეკითხვას პრეზიდენტის განცხადებასთან დაკავშირებით.

როგორც კობახიძემ აღნიშნა, პრეზიდენტს რომ ჩავეკითხო, თუ რა არ მოსწონს 12 პუნქტიან გეგმაში ვერ გიპასუხებთ.

,,ამით მან როგორც ჩანს გამოხატა წყენა იმის გამო, რომ გუშინდელი აქცია რადიკალურ ოპოზიციას ჩაუვარდა, სხვა რაიმე ისეთ სერიოზულ კომენტარს მე მის განცხადებაზე ვერ გავაკეთებ. მას რომ ჩაეკითხოთ რას გულისხმობდა, მაგალითად ჩვენი გეგმის მიმართ კრიტიკაში ვერ გიპასუხებთ. ვერაფერს გეტყვით. შეგიძლიათ ჩაეკითხოთ, აი რატომ არ მოეწონა 12 პუნქტიანი გეგმა ვერაფერს გეტყვით. ერთადერთი, რაც მან გამოხატა ეს არის წყენა იმის გამო, რომ რადიკალურ ოპოზიციას გუშინ აქცია ჩაუვარდა. უბრალოდ ეწყინა მათი წარუმატებლობა,’’ - განაცხადა ირაკლი კობახიძემ ბრიფინგზე.