სამართლიანად ჩატარდა თუ არა არჩევნები
პაპუნა მარგველიძე ონის მერთან ერთად მშენებელი კომპანიების იმ ხელმძღვანელებს შეხვდა, რომლებიც ონში ინფრასტრუქტურულ სამუშაოებს ახორციელებენ
16-07-2022
რაჭა-ლეჩხუმისა და ქვემო სვანეთის სახელმწიფო რწმუნებული - პაპუნა მარგველიძე, ონის მუნიციპალიტეტის მერთან - სერგი ხიდეშელთან ერთად მშენებელი კომპანიების იმ ხელმძღვანელ პირებს შეხვდა, რომლებიც ონის მუნიციპალიტეტში ინფრასტრუქტურულ სამუშაოებს ახორციელებენ.
შეხვედრის ფარგლებში, განიხილეს 2022 წლის მიმდინარე და დასრულებული პროექტები.
ხელმძღვანელმა პირებმა კონტრაქტორ კომპანიებს ინფრასტრუქტურული პროექტების, მაქსიმალურად, მოკლე დროში დასრულება და აღნიშნული მიმართულებით ხარისხის გაუმჯობესება მოსთხოვეს.
კომპანიების წარმომადგენლებმა შეხვედრაზე, დეტალური ინფორმაციები წარმოადგინეს დაგეგმილი სამუშაოების შესახებ და იმსჯელეს სავარაუდო გამოწვევებზე, განიხილეს პრობლემური საკითხები და ისაუბრეს მათი გადაჭრის ალტერნატიულ გზებზე.
სამუშაო შეხვედრას ესწრებოდნენ ონის მუნიციპალიტეტის მერის პირველი მოადგილე- გიორგი ნოდარიშვილი, ონის მუნიციპალიტეტის საკრებულოს თავმჯდომარე - ბაჩანა მარკოიშვილი, სახელმწიფო რწმუნებულის ადმინისტრაციის რეგიონული პროექტების მართვისა და კოორდინირების სამსახურის უფროსი- ლევან ცხვედიანი, რაჭა-ლეჩხუმ სვანეთის დეპუტატის გოჩა ენუქიძის ბიუროს წარმომადგენელი ონში - ირმა ჩიხრაძე.
