ონში, ბეერ-შევას სახელობის პარკში საჭიდაო დარბაზის შენობის სამშენებლო სამუშაოები მიმდინარეობს

18-07-2022

ქალაქ ონში, ბეერ-შევას სახელობის პარკში საჭიდაო დარბაზის შენობის სამშენებლო სამუშაოები მიმდინარეობს.

რაჭა-ლეჩხუმისა და ქვემო სვანეთის სახელმწიფო რწმუნებულმა - პაპუნა მარგველიძემ, ონის მუნიციპალიტეტის მერთან - სერგი ხიდეშელთან ერთად, ქალაქის ცენტრში არსებული ბეერ-შევას სახელობის სკვერში, მიმდინარე საჭიდაო დარბაზის მშენებლობა მოინახულა.

პროექტი, საქართველოს მთავრობის მიერ „საპილოტე რეგიონების ინტეგრირებული განვითარების პროგრამის" ფარგლებში ხორციელდება.

პროექტის ფარგლებში, აშენდება თანამედროვე სტანდარტების შესაბამისი საჭიდაო დარბაზი, გათბობა-გაგრილების ვენტილაციის სისტემის, წყლისა და წყალარინების სისტემის და სახანძრო უსაფრთხოების გათვალისწინებთ.

სამუშაოებს კონტრაქტორი კომპანია შპს "მტმ" ასრულებს.

აღნიშნული სამშენებლო სამუშაოებისთვის თანხები სახელმწიფო ბიუჯეტიდან გამოიყო, რომლის სახელშეკრულებო ღირებულება - 1 436 221 ლარს შეადგენს.
შეგახსენებთ, რომ აღნიშნულ შენობაში, ააიპ "ონის მუნიციპალიტეტის ბავშვთა და მოზარდთა სასპორტო სკოლის" ჭიდაობის სექცია განთავსდება, რომელშიც 70 აღსაზრდელი ირიცხება, მათ შორის ევროპისა და მსოფლიოს პრიზიორები.