პრესის მიმოხილვა
გამოკითხვა
სამართლიანად ჩატარდა თუ არა არჩევნები
მოქალაქეების საინიციატივო ჯგუფმა ზესტაფონის მერის გადადგომის მოთხოვნით აქცია გამართა
8-06-2018
ზესტაფონში, მოქალაქეების საინიციატივო ჯგუფმა მერის გადადგომა მოითხოვა და ხელმოწერების შეგროვება დაიწყო. მერის გადადგომის მოთხოვნით მოქალაქეები ზესტაფონის მერიასთან შეიკრიბნენ. მათ პროტესტს შეურთდა "პატრიოტთა ალიანსის" ზესტაფონის საკრებულოს წევრი გიგა გაბრიჭიძე და მერობის ყოფილი კანდიდატი გიორგი გოგლიჩიძე. მათი განცხადებით, ზესტაფონის მერი კახა მახათაძე უფლებამოსილებას არ ასრულებს, ქალაქში კი, შეჩერებულია ინფრასტრუქტურული პროექტები.
აღნიშნულთან დაკავშირებით ზესტაფონის მერიაში აცხადებენ, რომ აქციის მონაწილეების ბრალდებები უსაფუძვლოა. როგორც ზესტაფონის მერის მოადგილე დათო ჩირგაძე აცხადებს, ქალაქში და ზესტაფონის სოფლებში ბევრი ინფრასტრუქტურული პროექტი ხორციელდება.
"ინტერპრესნიუსი"
ინტერვიუ
