გია აბაშიძე Credit Suisse-ზე: ბანკის მენეჯმენტის ქცევა უპრეცედენტოდ გამაოგნებელია; ივანიშვილის მხრიდან პრეტენზია თუ შეფასება არის არა გამოგონილი, არამედ ეფუძნება კონკრეტულ ფაქტებსა და გარემოებებს

2-08-2022

„საზოგადოება ნახავს, რომ ივანიშვილის მხრიდან პრეტენზია თუ შეფასება არის არა გამოგონილი, არამედ ეფუძნება კონკრეტულ ფაქტებსა და გარემოებებს. ამასთან, ეს ნაბიჯი იქნება ერთგვარი გამაფრთხილებელი მოწოდებაა მათდამი, ვინც განიხილავს, ან მომავალში გეგმავს Credit Suisse-თან საქმიან ურთიერთობას“- ანალიტიკოსი გია აბაშიძე სოციალურ ქსელში იურიდიული ფირმის „ემ ქეი დი“ პრეს-რელიზს ეხმიანება.

„ბიძინა ივანიშვილის ადვოკატის, ვიქტორ ყიფიანის მიერ გამოქვეყნებული პრესრელიზიდან რჩება ასეთი შთაბეჭდილება: Credit Suisse-ის მენეჯმენტის ქმედებები გამაოგნებელია; ბანკთან მიმოწერის გასაჯაროება მოხსნის ბუნდოვანებას; შვეიცარიის მედიის თავისუფლება საეჭვოა. რთული ფინანსურ-იურიდიული დეტალების შეჯერებით, კონკრეტულად: ბანკის მენეჯმენტის ქცევა უპრეცედენტოდ გამაოგნებელია. ყველა კანონით, ბანკის კლიენტს, ბიძინა ივანიშვილს მისი თანხების განკარგვის სრული უფლება აქვს. Credit Suisse-ში ჩადენილ დანაშაულს გადარჩენილ თანხაზე შეუზღუდეს წვდომა ივანიშვილს 2022 წლის 4 მარტიდან 4 აპრილამდე. ხოლო მას შემდეგ მისი განგრძობადი თხოვნის, მოთხოვნისა თუ ინსტრუქციის მიუხედავად, სრულად აუკრძალეს წვდომა. პირველ ეტაპზე, ბანკთან დავის მოგების მიუხედავად, Credit Suisse-ში თანმიმდევრულად უგულებელყოფენ ბენეფიციარ ივანიშვილის ინტერესებს და მოქმედებენ იმის დიამეტრალურად საწინააღმდეგოდ, ვიდრე მათ ევალებათ. ბანკთან მიმოწერის გასაჯაროება მოხსნის ბუნდოვანებას. საზოგადოება თავად შეაფასებს და დარწმუნდება იმაში, თუ რაოდენ გაუგონრად და უპრეცედენტოდ მოქმედებს Credit Suisse, უზღუდავს რა კლიენტს წვდომას საკუთარ აქტივებზე.

საზოგადოება ასევე ნახავს, რომ ივანიშვილის მხრიდან პრეტენზია თუ შეფასება არის არა გამოგონილი, არამედ ეფუძნება კონკრეტულ ფაქტებსა და გარემოებებს. ამასთან, ეს ნაბიჯი იქნება ერთგვარი გამაფრთხილებელი მოწოდებაა მათდამი, ვინც განიხილავს, ან მომავალში გეგმავს Credit Suisse-თან საქმიან ურთიერთობას. შვეიცარიის მედიის თავისუფლება საეჭვოა. Credit Suisse-თან ივანიშვილის ინტერესების დამცველმა MKD Law-მ შვეიცარიაში არაერთ გამოცემას შეთავაზა სტატიის სახით პრობლემის აღწერის საკუთარი ვერსია, თუმცაღა, ერთი თვე გავიდა და მზაობა არცერთი მათგანისგან სმენიათ. სად არის ბალანსი და მიუკერძოებლობა? თუ ადგილობრივი ანდა ტრანსნაციონალური, მსხვილი კორპორატიული ინტერესები ფარავენ ჟურნალისტიკის ელემენტარულ პრინციპებს?..

 აღსანიშნავია, რომ ივანიშვილის ინტერესების დამცველთ განზრახული აქვთ ცალკე წესით მიმართონ შვეიცარიის პარლამენტს, ფრაქციებსა და მსხვილ პოლიტიკურ ჯგუფებს, ისევე, როგორც „ფინმა“-ს [ქვეყნის საფინანსო საზედამხედველო ორგანოს]. მიმართვის საჭიროება გამოწვეულია როგორც დავისადმი მაღალი საზოგადოებრივი ინტერესით, აგრეთვე იმ ურთულესი მდგომარეობით, რომელშიც Credit Suisse-ის საბანკო ჯგუფი აღმოჩნდა“- წერს გია აბაშიძე.