მომავალ წელს შესაძლოა პენსია გაიზარდოს

20-06-2018

2019-2020 წლებში პენსია შესაძლოა 20-20 ლარით გაიზარდოს. 
ამის შესახებ პრემიერ- მინისტრობის კანდიდატმა, მამუკა ბახტაძემ პარლამენტში განაცხადა, სადაც დეპუტატების წინაშე სიტყვით გამოვიდა.
„მთავრობა გააგრძელებს მიზნობრივ სოციალურ პროგრამებს მოწყვლადი ჯგუფების მატერიალური მდგომარეობის შესამსუბუქებლად. გაფართოვდება შშმ პირთა, ხანდაზმულთა და მზრუნველობამოკლებულ ბავშვთა ფიზიკური და სოციალური მდგომარეობის გაუმჯობესებისკენ მიმართული ღონისძებები. მათ შორის დაგეგმილია სახელმწიფო პენსიების ზრდა 2019-2020 წლებში 20-20 ლარის ოდენობით, რისთვისაც ჩვენ საშუალოვადიან ბიუჯეტში გავითვალისწინეთ დამატებით დაახლოებით 400 მლნ ლარი“ - განაცხადა ბახტაძემ.