საქართველოს სასკოლო სპორტული ოლიმპიადა 2018 ჩემპიონებს გამოავლენს

25-06-2018

26  - 30 ივნისს თბილისში, სპორტკომპლექსში "ახალი თბილისი", გაიმართება ოლიმპიადა 2018-ის ფინალური ეტაპი, რომელიც გამოავლენს სპორტის სხვადასხვა სახეობაში ოლიმპიადის გამარჯვებულებს.

ოლიმპიადა 2018-ის ფინალურ თამაშებში მონაწილეობას იღებს 2002-2003-2004 წლებში დაბადებული 156 მოსწავლე (გოგონები, ვაჟები) მთელი საქართველოდან.

ოლიმპიადის გამარჯვებული სკოლები ავტომატურად ხდებიან 2020 წლის მსოფლიოს სასკოლო ჩემპიონატების მონაწილეობის კანდიდატები.

საქართველოს სასკოლო სპორტული ოლიმპიადის ორგანიზატორები არიან საქართველოს ბავშვთა და სასკოლო სპორტის ეროვნული ფედერაცია, განათლებისა და მეცნიერების სამინისტრო, კულტურისა და სპორტის სამინისტრო.

საქართველოს სასკოლო სპორტული ოლიმპიადის მხარდამჭერია საქართველოს ეროვნული ოლიმპიური კომიტეტი.