ონის მერიაში „სამოქალაქო მრჩეველთა საბჭოს" მორიგი შეხვედრა გაიმართა

17-10-2022

ონის მუნიციპალიტეტის მერიაში „სამოქალაქო მრჩეველთა საბჭოს" მორიგი შეხვედრა გაიმართა, რომელსაც მერი - სერგი ხიდეშელი უძღვებოდა.

შეხვედრაზე დღის წესრიგით გათვალისწინებული საკითხები განიხილეს;

ევროპის საბჭოს ანგარიში ადამიანის უფლებათა შესაძლებლობების შესახებ და რეკომენდაციები 2023 წლის ონის მუნიციპალიტეტის ბიუჯეტში.

სერგი ხიდეშელმა მიმდინარე და დაგეგმილ ინფრასტრუქტურულ პროექტებზე, სამომავლო გეგმებზე, მოსახლეობის წინაშე არსებულ საჭიროებებზე და მათი მოგვარების გზებზე ისაუბრა.

შეხვედრაზე საბჭოს წევრებმა რეკომენდაციები, წინადადებები და მოსაზრებები გააცნეს მუნიციპალიტეტის ხელმძღვანელს. აქცენტი გაკეთდა, როგორც ქალაქ ონის, ისე მუნიციპალიტეტის სოფლებში არსებულ საჭიროებებზე და ინფრასტრუქტურულ საკითხებზე.

შეხვედრა კითხვა-პასუხის რეჟიმში გაგრძელდა, სერგი ხიდეშელმა საბჭოს წევრების მიერ დასმულ შეკითხვებს უპასუხა, აღნიშნა, რომ თითოეული მოქალაქის აქტიური ჩართულობა მნიშვნელოვანია მუნიციპალიტეტის განვითარებისათვის.

აღსანიშნავია, რომ სამოქალაქო მრჩეველთა საბჭო, მერთან არსებული სათათბირო ორგანოა, რომელიც საქმიანობს საქართველოს ორგანული კანონის „ადგილობრივი თვითმმართველობის კოდექსით" დადგენილი წესით. საბჭო წევრების შემადგენლობა სამოქალაქო სექტორის, კულტურის, განათლების, ბიზნესის სფეროსა და საზოგადოების წარმომადგენლებს აერთიანებს. დებულების თანახმად საბჭო მინიმუმ სამ თვეში ერთხელ იკრიბება.