სამართლიანად ჩატარდა თუ არა არჩევნები
კავკასიონის ერთ-ერთ მწვერვალს ჟიული შარტავას სახელი მიენიჭება
28-06-2018
კავკასიონის ერთ-ერთ მწვერვალს აფხაზეთის ომში დაღუპული საქართველოს პირველი ეროვნული გმირის ჟიული შარტავას სახელის მიენიჭება. ამის შესახებ წერია მემორანდუმში, რომელიც აფხაზეთის ავტონომიური რესპუბლიკის განათლების სამინისტროსა და საქართველოს მთამსვლელთა ფედერაციას შორის გაფრომდა. ინფორმაციას აფხაზეთის მთავრობა ავრცელებს.
აფხაზეთს მთავრობის ხელმძღვანელის ვახტანგ ყოლბაიას თქმით, ჟიული შარტავას 75 წლის იუბილესთან დაკავშირებით, მისი სახელის უკვდავსაყოფად, საქართველოს მთამსვლელთა ფედერაციას მიზანშეწონილად მიაჩნია ჟიული შარტავას სახელი მიენიჭოს კავკასიონის ერთ-ერთ მწვერვალს.
"მაგრამ ვიდრე ეს ყველაფერი მოხდება, საჭიროა მთამსვლელთა სპეციალური ჯგუფის გაგზავნა აღმოსავლეთ კავკასიონზე, როგორც მწვერვალის შესარჩევად, ისე, გარკვეული კატეგორიის სირთულის ასვლის გზის დასადგენად", - თქვა ყოლბაიამ.
