სამართლიანად ჩატარდა თუ არა არჩევნები
GITA - სა და Skillwill- ს შორის ურთიერთთანამშრომლობის მემორანდუმი გაფორმდა
9-11-2022
საქართველოს ინოვაციების და ტექნოლოგიების სააგენტოსა და Skillwill-ს შორის ურთიერთთანამშრომლობის მემორანდუმი გაფორმდა.
თანამშრომლობის ფარგლებში სქილვილის სტუდენტებს შეეძლებათ ეწვიონ სააგენტოს რეგიონულ ტექნოპარკებს, სადაც მიეცემათ მეცადინეობის და სივრცის თავისუფლად განკარგვის შესაძლებლობა. ამასთანავე, სქილვილი გამოთქვამს მზაობას, საკუთარი პროგრამების ფარგლებში, დაუფინანსოს სწავლა რეგიონული ტექნოპარკების ბენეფიციარებს, რომლებიც ამას ყველაზე მეტად საჭიროებენ.
Skillwill არის აკადემია ნებისმიერი ასაკის ადამიანისთვის, ვისაც სურვილი აქვს გახდეს დეველოპერი ყოველგვარი საბაზისო ცოდნის გარეშე ან აქვს გარკვეული ცოდნა და სურს სიღრმისეულად დაეუფლოს პროფესიას.
სტუდენტების მიღება დაიწყო ივლისში. კამპანიის ფარგლებში, სქილვილის მენეჯმენტმა, ჯიტასთან თანამშრომლობით, ჩაატარა შეხვედრები რეგიონებში და პირველი ნაკადი 3 კვირაში სრულად შეივსო. შემდეგი ნაკადის მიღება 18 ნოემბერს იგეგმება. კურსებზე რეგისტრაცია უკვე დაიწყო. დაინტერესებულ პირებს შეუძლიათ ეწვიონ სქილვილის ვებგვერდს www.skillwill.ge და დაიწყონ პროგრამირების შესწავლა.
მსგავსი ტიპის თანამშრომლობა, მხარეების თქმით, ხელს უწყობს ინოვაციების და ტექნოლოგიების სფეროს პოპულარიზაციას ქვეყნის მასშტაბით.
