სამართლიანად ჩატარდა თუ არა არჩევნები
ირაკლი კობახიძე: ევროპარლამენტის რეზოლუციას ჩვენთვის ნულოვანი ფასი აქვს იქედან გამომდინარე, რომ სრულიად არასამართლიანი და მთლიანად პოლიტიკური ინტერესებითაა ნაკარნახევი
14-11-2022
ამ რეზოლუციას ჩვენთვის ნულოვანი ფასი აქვს. სწორედ იქიდან გამომდინარე, რომ სრულიად არასამართლიანი და მთლიანად პოლიტიკური ინტერესებითაა ნაკარნახევი, - ამის შესახებ „იმედის კვირას“ პარტია „ქართული ოცნების“ თავმჯდომარემ, ირაკლი კობახიძემ განუცხადა.
მან კომენტარი გააკეთა ევროპარლამენტის საგარეო ურთიერთობათა კომიტეტის მიერ ახლახან მიღებული ანგარიშის კომპრომისულ ვარიანტზე.
„ის ევროპარლამენტარები, რომლებიც ახორციელებენ ასეთი ცვლილებების ინიცირებას, ყველაფერზე ინფორმირებული არიან. მათ აქვთ სრული ინფორმაცია. აქ არის მხოლოდ პოლიტიკური ინტერესი. მათ ამოძრავებთ გარკვეული პოლიტიკური ინტერესი და სწორედ ამ ინტერესის შედეგია, აბსოლუტურად გაუმართავი და უსამართლო ჩანაწერები, რომელიც გვხვდება ევროპარლამენტის თუ ევროპარლამენტის საგარეო კომიტეტის ტექსტებში. ესეც მორიგი ამის გამოვლინებაა. ამ რეზოლუციას ჩვენთვის აქვს ნულოვანი ფასი. სწორედ იქიდან გამომდინარე, რომ არის სრულიად არასამართლიანი და მთლიანად პოლიტიკური ინტერესებით ნაკარნახევი“, - განაცხადა კობახიძემ.
ევროპარლამენტის საგარეო ურთიერთობათა კომიტეტმა მხარი დაუჭირა სვენ მიქსერის ანგარიშის კომპრომისულ ვარიანტს საქართველოს მიერ ასოცირების ხელშეკრულების შესრულების შესახებ.
