გორში ლატვიური კაფე გაიხსნა

5-07-2018

გორში კაფე ,,4-YOU" (ფორიუ) გაიხსნა. სახელწოდება მფლობელთა რაოდენობიდან გამომდინარეობს და ინგლისურად ნიშნავს ,,თქვენთვის".  ოთხი მფლობელიდან სამი ლატვიელია, ერთი კი, - ადგილობრივი.

წელიწადნახევრის წინ, ლატვიელები გორის მერის, ზურაბ ჯირკველიშვილის მიერ მოწყობილ ბიზნესფორუმზე გორში ჩამოვიდნენ. მიხვდნენ, რომ საქართველოში ბიზნესის დაწყება შესაძლებელია. ლატვიაში მათ ორი რესტორანი უკვე აქვთ, ორივე დაშორებულია დედაქალაქიდან. 

,,ბიზნესის დასაწყებად გორი გამორჩეულია რამდენიმე ფაქტორით. პირველი ის, რომ აქ ძალიან ბევრი ტურისტი ჩამოდის, როგორც სტალინის მუზეუმში, ასევე, უფლისციხეში. ასევე, დიდი პოტენციალია, რომ ქალაქი გაიზარდოს, რადგან ახლოს მდებარეობს თბილისთან; სადაც არ არის სუფთა ჰაერი, ასევე, მწვანე საფარი. პატარა ქალაქები ყოველთვის იზრდება, რადგან დედაქალაქში დასაქმებული ხალხი საცხოვრებლად ქალაქგარეთ გადის. ასე მოხდა, მაგალითად, ჩვენს ქვეყანაში და ეს გარემოება აქ მომავალში აუცილებლად იქნება შესამჩნევი" - ამბობენ ლატვიელი მფლობელები.

"შიდა ქართლი"