აფხაზეთის დე ფაქტო საგარეო საქმეთა სამინისტროს ინფორმაციით, იტალიაში აფხაზეთის დიპლომატიური წარმომადგენლობა გაიხსნა

29-11-2017

იტალიაში აფხაზეთის დიპლომატიური წარმომადგენლობა გაიხსნა, - ამის შესახებ „სპუნტიკ-აბხაზიას“ ოკუპირებული აფხაზეთის დე ფაქტო საგარეო საქმეთა მინისტრის მოადგილე კან ტანიამ განუცხადა, რომელიც „სამუშაო ვიზიტით“ იტალიაში იმყოფება.

„იტალიაში ყოფნის ჩემი მიზანი - იტალიაში და ევროკავშირში აფხაზეთის რესპუბლიკის დიპლომატიური წარმომადგენლობის რეგისტრაციის დასრულებაა. აღსანიშნავია, რომ კლასიკური დიპლომატიური ფუნქციები წარმომადგენლობას არ ექნება, ვინაიდან მას აკრედიტაცია არ აქვს გავლილი, რაც გამოწვეულია იმით, რომ იტალიას აფხაზეთის დამოუკიდებლობა ჯერ არ უღიარებია. მიუხედავად ამისა, ჩვენ მუშაობას გავაგრძელებთ. ჩვენი მიზანია საერთაშორისო თანამეგობრობას აფხაზეთის პოზიცია გავაცნოთ“, - განაცხადა კან ტანიამ.

მისი თქმით, ე.წ. წარმომადგენლობა იქნება ხიდი, რომელიც აფხაზებს და იტალიელებს დაახლოვებს.

წყარო: "ინტერპრესნიუსი"