სამართლიანად ჩატარდა თუ არა არჩევნები
ჯარისკაცის გარდაცვალების ფაქტზე თავდაცვის სამინისტრო განცხადებას ავრცელებს
9-07-2018
ორფოლოში, სამხედრო პოლიგონზე წვრთნების დროს ჯარისკაცის გარდაცვალების ფაქტზე თავდაცვის სამინისტრო განცხადებას ავრცელებს.
როგორც უწყებაში აცხადებენ, კაპრალი გულის უკმარისობით სამედიცინო დაწესებულებში მიყვანის შემდეგ გარდაიცვალა.
„საქართველოს თავდაცვის სამინისტრო ღრმა მწუხარებას გამოთქვამს კაპრალ მირზა გიას ძე ჩაჩუას (დაბადებული 17.02.1987 წ.) გარდაცვალების გამო და სამძიმარს უცხადებს გარდაცვლილის ოჯახსა და ახლობლებს.
საქართველოს შეიარაღებული ძალების III ქვეითი ბრიგადის 34-ე საარტილერიო ბატალიონის მძღოლი ორფოლოში, პოლიგონზე მიმდინარე გეგმიური წვრთნის ერთ-ერთი ეტაპის დასრულების შემდეგ შეუძლოდ გახდა, რის შემდეგაც ის გულის უკმარისობით ახალციხის კლინიკა „უნიმედის“ რეანიმაციის განყოფილებაში გადაიყვანეს. მას გულის პირდაპირი მასაჟის სარეანიმაციო ღონისძიებები ჩაუტარდა, თუმცა კაპრალ გია ჩაჩუას გადარჩენა ვერ მოხერხდა.
მომხდართან დაკავშირებით გამოძიება დაიწყო შინაგან საქმეთა სამინისტროს სამცხე-ჯავახეთის დეპარტამენტის ახალციხის რაიონულმა სამმართველომ, 116-ე მუხლის პირველი ნაწილით“- ნათქვამია განცხადებაში.
