გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ლევან დავითაშვილმა USAID - ის ეკონომიკური უსაფრთხოების პროგრამის მიმდინარეობა განიხილა

11-01-2023

ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი აშშ - ის საერთაშორისო განვითარების სააგენტოს (USAID) ეკონომიკური ზრდის ოფისის დირექტორს მარიკა ოლსენს, USAID - ის ეკონომიკური უსაფრთხოების პროგრამის ხელმძღვანელს მარკ მაკკორდს და პროგრამის სხვა წარმომადგენლებს შეხვდა.


შეხვედრაში ასევე მონაწილეობდნენ მინისტრის მოადგილეები ირაკლი ნადარეიშვილი და მარიამ ქვრივიშვილი, აგრეთვე ტურიზმის ეროვნული ადმინისტრაციის ხელმძღვანელი მაია ომიაძე, სააგენტოს „აწარმოე საქართველოში" დირექტორი მიხეილ ხიდურელი და ინოვაციებისა და ტექნოლოგიების სააგენტოს დირექტორი ავთანდილ კასრაძე.


შეხვედრაზე ლევან დავითაშვილმა მადლობა გადაუხადა აშშ-ს მთავრობასა და ამერიკელ ხალხს, რომლებიც USAID-ისა და ეკონომიკური უსაფრთხოების პროგრამის მეშვეობით ხელს უწყობს საქართველოს ეკონომიკის განვითარებას, პანდემიისა და სხვა გლობალური მოვლენების შედეგად შექმნილი გამოწვევების დაძლევას.


განხილულ იქნა ის პროექტები, რომლებიც USAID-ის ეკონომიკური უსაფრთხოების პროგრამის მხარდაჭერით სამინისტროს სხვადასხვა სტრუქტურულმა ქვედანაყოფებმა განახორციელეს. მათ შორის, ისეთ სექტორებში, როგორიცაა ტურიზმი, ინოვაციები, ინვესტიციების მოზიდვა, ექსპორტის ხელშეწყობა, მეწარმეობის განვითარება, დიჯიტალიზაცია, ტრანსპორტი და სხვ.